Parole

Parole, parole,
quali pparole aggia truvà ancora ?

parole cca ‘nce ne stanno cchiù,

so ffernute ‘e pparole,
so ffernute

e po’ e parole so sulo parole
e che ponno fa ‘lloro sole ?

‘e parole so sulo parole
‘e ‘o viento si ‘o vvò se pporta !

mo ca tu te ne si gghiuta
nun ‘ncè rimasto cchiù niente
dinto a cchesta vita mia

‘ncè rimasto sulo ‘o ppoco e appucundria
‘ncè rimasto sulo chesta smania mia

Mimmo

Aria strana

Strano,
assaje strano
me sento stammatina,

comme st’aria ca respiro,
addò a puzza ‘e sta mmunnezza,
s’ammesca cu e prufume ‘e primmavera

Mimmo

Lenzole janche

Tu si a festa dinto o’ paese quand io ero criaturo,
si è lenzole janche spase ‘o sole,
tu si a paura ca me metto dinto ‘o scuro

Tu si l’allucca de guagliune abbasco ‘o vico,
si chella stradulella stretta,
tu si o ritornello e chillo mutivo antico

Tu si o scuorno ca me mette mmiezzo all’ato,
si l’addore do pane cavuro,
tu si o chiant ‘e na criatura appena nata

Tu si a frenesia ca m’afferra,
si a cuperta ‘e lana
tu si ‘o paraviso sciso n’terra.

Mimmo

Trasetenne oje sole

Trasetenne oje sole,
siente a me, trasetenne a via e dinto,
non o vedi ca’ nenna sta a durmì ?

Trasetenne oje sole,
ma mo’ dici che ‘nce faje ‘ncielo
si essa nun te vede ?

Mimmo

Rosa

Quanto si bella oj Rò
quanto si bella,
si bella e io te guardo,
nascostamente
pe nun me fa scorgere a te,
e guardannete me ‘ncantato,
e guardannete me perdo.

Mimmo