Io e te

Io e te
na cosa sola
oggi e pe sempe,
comme ‘o ciummo e o mare
comme è fuoco e a lava

Io e te
na cosa sola
oggi e pe sempe,
comme ‘o dulore e ‘o chianto
comme a felicità e a rrisa

Io e te
na cosa sola
oggi e pe sempe,
comme a forza e a gioventù
comme a stanchezza e a vicchiaia

Io e te
na cosa sola
oggi e pe sempe,
comme a vela e o viento
comme a spreanza e o tiempo

Io e te
na cosa sola
oggi e pe sempe,
comme a carne e ‘o sangue
comme ‘o ciato e a vita

Io e te
na cosa sola
oggi e pe sempe,
comme Dio e ll’ammore
comme ll’ammore e tu.

Mimmo

Preghiera

Levame stu sole a dinto all’uocchie,
famme sta zzitto chisto mare,

sciarma tutto cosa,
‘rricetta sto cazzo ‘e munno,
e leva tutto cosa a miezzo

Mimmo

Munnezza

Munnezza, munnezza,
sultanto munnezza veco attorno ‘a me,
abbascio ‘o vico,
addò jucavo che cumpagnielle mie,
miezz ‘a piazz, addò se parlava, se parlava
mo ‘nce sta sulo munnezza,

e pure ‘nanz chillo portone,
pure sotto a chilo balcone,
pure lla mo ‘nce sta sulamente munnezza.

Munnezza, munnezza,
munnezza ca’ brucia,
e assieme ‘a essa brucia chesta vita nostra,
brucia chesta vita mia,
brucia ‘a scola, ‘a sagliuta Margarita,
‘o vascio e zi’ Nannina,
e o fummo è niro, niro comme ‘o veleno,

e pure ‘nanz chillo portone,
pure sotto a chillo balcone,
pure la mo brucia sulamente munnezza.

Mimmo

‘Nu munno ‘e ciucci

‘O munno ?
‘O munno, signori miei, è fatto da tanta ciucci

si, si avite capito bbuono
tanta ciucci,

Ciucci, e ciucce
ovviamente
e sennò a parità a ‘ndò va a fernì ?

Ciucci io,
ciuccio tu,
ciucci tutte quante.

Istruiti o analfabeti,
cu ‘e sorde o muorte e ‘famme,
simme sulo tanta ciucci.

Si, sentite a me,
simme tanta ciucci,
tanta ciucci ‘nzriusi e cu ‘e parauocchie,

e ogni uno e chisti ciucci
vede sulo chello ca vo vedè,

e ogni uno e chisti ciucci,
penza sulamente a ‘e cazze suoje

Mimmo

Cammino

Cammino,
da cchiù de n’ora sto a cammenà,
sotto a nu cielo ‘mbrugliuso
cu ‘o sole che jesce e ttrase
e ‘o mare che ogni ttanto me bagna i piedi

a ggente ca me vede ‘e passà, me guarda,
me guarda, ma a me nun me ‘mporta
pecchè a ‘ggente o saccio
a ‘ggente tene tutta a stessa faccia

Cammino,
da cchiù de n’ora sto a cammenà,
cu e piede che m’ affonnano dinto a rena ‘nfosa
‘o ppoco e viento ca me rinfresca a faccia
e l’ addore e de ‘o mare ca me ‘ntrona e capa

doje creature currenno,
cuntente me passano ‘nnanzo
passano e io ‘e guardo
pecchè ogni creatura o saccio
ogni creatura tene a faccia soja

Mimmo