Un pazzariello tra i continenti

Monologo in dialetto napoletano

di

Domenico Guarino

Personaggio:
Il pazzariello napoletano

Scena:
Il testo può essere adattato a varie situazioni: può essere messo in scena sia per le strade cittadine che su un palcoscenico di teatro. La prima ha visto la presenza di un corteo carnevalesco con un carro allegorico a forma di nave. Il pazzariello ha condotto a “guida” della nave ha presentato le varie esibizioni in programma. Il corteo ha attraversato le vie cittadine facendo sosta in cinque piazze, ognuna con coreografie ed esibizioni rappresentative dei cinque continenti (Europa, America. Africa. Asia ed Oceania).

INTRODUZIONE

(Il carro è fermo nella prima stazione)

Attenzione, battaglione,
ha inizio chesta bella manifestazione
tenimmo pure ‘o carro a forma ‘e barcone
‘nce sta pure brighella, pulcinella e balanzone

Stammatina facimme ‘nu carnevale a maste, a capurione
Viareggio a confronto è ‘a bancarella d’ ‘o turrone
paisà ‘nu Carnevale accussì nun l’avite maje visto
v’ ‘o dice ‘o sottoscritto che è scetato e ‘nzisto

Spilateve buone ‘e recchie e prestatemi attenzione
avimma fa ‘nu curteo c’adda fa sensazione
balli e ballette, coriandoli, musica e canzoni
chiacchiere e sanguinaccio comme vò ‘a tradizione

Oggi stamme ca pe’ di che ‘a guerra nun ce piace
che a stu munno avimma sta tutte quante pace,
che ce avaimma vulé bene pecchè simme tanta frate
janche, gialle, nire e russe tutt’assieme, un’ammiscate

‘Nu curteo comme chisto nun se maje visto a Carnevale
‘na cosa speciale, comme fosse su scala mondiale
Africa, Asia, Europa, America, Oceania ‘nce facimme mancà niente
e ogni piazza d’ ‘o curteo rappresenta ‘nu cuntinente

Cuminciammo allora cu’ ‘e rappresentazioni
chesta bella piazza è a primma stazione
facite attenzione arapite bone ‘e recchie
partimmo all’l'Europa ‘o cuntinente viecchio

EUROPA

‘Nu posto bell’assaje, ricco e furtunato
manco a farl’apposta addó ‘o pazzariello è nato
storia, arte, cultura e tradizione
mariuole, sante, femmene belle e vino buone

Terra che è stata ‘e Re e Papi, ‘e paura e devozione
‘e penziero e curaggio, ‘e cagnamente e rivoluzione
l’Europa ha fatto ‘o gruosso e ha ‘mparato ‘o munno intero
cu’ ‘e spade e cu’ ‘e fucile ha cumannato fino a ieri

Pe’ fa onore ‘a ‘o cuntinento ‘nce sarrano duje mumente
un omaggio che degnamente ‘o rappresenta
doje scole mmiezzo ‘a piazza ballarranno ‘a tarantella
che è ‘a danza tradizionale d’ ‘o paese ‘e pullicenella

‘A primma ballata comme vonne l’usanze
cu’ ‘e piede ‘nciantate ‘nterra e cu’ bona crianza
‘a siconda invece è ‘na surpesa, ‘na cosa ancora chiù bella
‘na tarantella ballata ‘ncoppo ‘e pattine a rutelle

(Esibizioni)

Jamme belle cucchiè facimme ampresso
partimme pe’ a stazione aprriessa.
Forza cu’ l’orchestra
musica maestro.

(Musica, il corteo si muove verso la stazione successiva. Dal carro il pazzariello dispensa saluti e sorrisi a tutti, lancia i coriandoli, invita i partecipanti a fare baldoria e a divertirsi declama proverbi e modi di dire napoletani. Arrivo nella stazione di destinazione, il carro si ferma e cessa la musica)

AMERICA

Ho scuprertto ‘n’Italiano, chillo là d’ ‘o fatt ‘e l’uovo
‘o cuntinente americano, ditto pure ‘o munno nuovo
‘nce truvajene l’indiante cu’ ‘e frecce e cu’ l’arco
‘na vutata e ‘na girata facèttero ‘a fine de’ tracche

Tanta gente ‘a tutte ‘o munno cu’ a valigia la è emigrata
chi a fatto ‘a famma, chi è turanto e chi assai ricco è diventato
‘nce so’ nate ‘e fasule, ‘e patante, ‘e pummarole e ‘e peperoni
‘e nucelline ‘o tabacc, Pelé e Maradona

Signori miei chisto è nu ‘ngrippo che ha piglita a tutte quante
se fanno ‘e viglione, dint ‘e discoteca e a ‘e cerimonie a ‘i ristorante
si ‘e cuminciate ‘a ballà ogge putite fernì pure dimane
avite capito sto parlanno de’ balle latino americane
‘Nce vo’ ‘nu curaggio ‘a fa chello ca fanno
io sulo se ‘o penso me vene già ‘affanno
miezzo ‘a piazza già ‘nce sta ‘na scola ‘e danza
‘e sti balle latine mo ‘nce fanno ‘na panza

(Esibizioni)

Cucchiè jamme a ‘nce movere cu’ sta carretta
v’ ‘a fumate dopo ‘a sigaretta
maestro ‘aizzate ‘a bacchetta
facitece sentere ‘na bella musichetta.

(Verso la prossima stazione come prima)

AFRICA

L’Africa, ‘a terra che è mamma è tutte l’ate
‘a terra addó l’uommene pe’ caso so’ nate
‘o punto ‘e partenza ‘e ‘na longa sagliuta
l’inizio ‘e ‘nu viaggio nun ancora fernuto

‘Na terra ricca assaje ma ‘o stesso tiempo sfurtunata
vattuta e sfruttata, arrubbata e sfuttuta
‘na terra ‘e famma, miseria, guerre e malatia
ma addó l’uommene ancora guardano ‘nfaccia a Dio

So’ d’ ‘a Tanzania, ‘nu paese africano
mo pe’ fatica stanno ca miezze ‘i taliane
già ‘i veco cu’ mano ‘i tambure
‘nce fanno ‘nu ballo della loro cultura

L’esibizione ha inizio, state buone attiente
guditeve ‘o spettacolo e nun ve perdite niente
anze ve dico scarfateve ‘o core
faceteve annanze e abballate cu’ loro

(Esibizioni)

Scetate cucchiè ca l’aria ‘e doce
faceimme ampressa finché me tene ‘a voce
Maestro spilateve ‘o cannarone
vulimme sentere ‘na bella canzone

(Verso la prossima stazione come prima)

ASIA

‘O pataterno ca ‘nce ‘nchiantaie ‘e tende d’ ‘o paraviso
ma pe’ ‘nu sbaglio fatto ce cacciaje senza preavviso
l’Asia ‘o posto addó l’uommene hanno fatto ‘e primme scole
addó inventaine ‘a rota, ‘a fatica d’ ‘a terra e ‘a sctittura d ‘ ‘e parole

É ‘o cuntinete chiù gruosso cunusciuto
cu’ ‘a muntagna chiù avuta e ‘a fossa chiù futa
addó ‘nce sta chi cu’ ‘o petrolio ha fatto assaje furtune
e chi invece tutt’ ‘e juorne tira ancora ‘o carro cu’ ‘a fune

Pe’ chisto cuntinente accussì grande
‘nce stanno dujè mumente veramente importante
mettiteve ‘o pizzo e faciteve ‘a croce
‘e ballo ‘e faranno doje bestie feroce

‘O primo è ‘na cosa straordinaria senza paragone
nun ve mettite paura è ‘a ballata d’ ‘o dragone
p’ ‘o sicondo ‘nce sta ‘na scola ‘e kung fu
fanno ‘a danza d’ ‘o lione jamme belle guagliù

(Esibizioni)

Cucchiè si parte
‘a prossima è l’ultima parte
Maestro ca arrivano ‘e fischi
cagnate ‘nu poco chisto disco

(Verso la prossima stazione come prima)

OCEANIA

Tra tutte quante l’ate chisto é ‘o chiù piccirillo
terra ‘e cangure, pecore e coccodrille
‘o chiammammo Oceania o nuovissimo continente
sta sperduto miezzo ‘o mare e tene ‘ncoppo poca gente

Spiagge che so ‘n incanto cu’ paesaggi ‘e suonno
‘nu paraviso annascosto all’ata parte d’ ‘o munno
l’uommene ‘e sti poste se vesten cu’ curalle e ciure
e campano fefice, cuntente e senza paure

‘Nce sta chi sona chiano, chi sona mezzano e chi invece sona forte
chi ‘e sunà s’ ‘o sonna, chi sona ‘a ritirata e chi sona ‘o campaniello d’ ‘a porta
loro sonano ogni cosa so’ robba bona sti guagliune
ogge sonano cu’ ‘e piatte cu’ ‘e butteglie e cu’ ‘e bidune

N’ce fanno ‘na musica d’ ‘a tradizione maori
‘na cosa che fanno sultamente loro
gruosse e piccerille facite attenzione
chesta d’ ‘o curteo è l’utlima esibizione

(Scende dal carro)

FINALE

Signori miei belle ‘a sparata mia è fernuta
‘o pazziariello a tutte ringrazia e saluta
v’ o giuro restasse, v’ ‘o dico c’ ‘o core
ma già sta mia moglie che aspetta la fore

Ballate, magnate e senza paura
currite, pazziate sfuttiteve pure
‘o sapite, a crenevale ogni pazzia vale
facite però tutto senza ve fa male