Monologo sulla raccolta differenziata

Personaggio: Un uomo mascherato da cassonetto per la raccolta differenziata.

Buonasera a tutti. Mi presento. Sono un cassonetto per la raccolta differenziata a Napoli. Anzi, dovrei dire: sarei un cassonetto per la raccolta differenziata, se mi utilizzassero, si me facessero faticà. Ma visto che non mi utilizzano e nun me fanno faticà, sono solo un cassonetto. Un cassonetto disoccupato. Che ne volete sapere, la mia vita è una vera tragedia, da quando sono nato, munnezza da riciclare manco l’ombra. Maie ‘na carta. Che saccio ‘na busta d’ ‘a spesa, niente. E che schifo è chesto, ma pure per ‘na soddisfazione personale ! Si, qualche amico mio, al nord, ha avuto qualche volta questo onore, ma robba ‘e poco. In altre parole, comme se dice a Napoli, se fa acqua ‘a pippa.

Gli inceneritori, stanno chine ‘e fatica. Sponteno comme ‘e funghe chili chiaveche. Che possono accidere a loro e a chi l’ha create. Nun ce sta niente da fa, ce vò ‘a ciorta ‘ncoppo a tutto cosa, e chiù faje ‘o male e chiù si apprezzato e rispettato. Pecchè sti disgraziate, sti piezze ‘e fetenti accussì aggia dicere, so’ funghi velenosi, velenose assaje. Velenose pe’ piante, pe’ l’animale e pe’ cristiane. So’ talmente velenose che pe’ murì nun ce sta manco bisogno che ve magnate. Basta che ‘e respirate. Basta ca ve respirate chell’aria fetente e zezzosa che jettono fore.

Però nuje cassunette, che nun facimme male a nisciuno, simme disoccupate e ‘nce murimme ‘e famme, mentre loro che accidono a gente se ngrassano. Casa mia è un inferno! Papà ormai è disperato, pur’isso a spasso senza faticà. Mammà, puverella, nun sape chiù che fa, cu’ tre creature ‘a sfamà. L’altra sera che chiagnevano comme che se l’avetta fa dà d’ ‘a signora a fianco doje busticelle ‘e plastica pe’ l’aquità. Ma insomma se po fa sta vita ? Se po’ ghij ‘nannzo acussì ?

E invece gli inceneritori sguazzano nell’oro. Certo se sentite ‘a televisione, ve li fanno parere ‘na cosa buona. Se vedete quelle trasmissioni, cu’ chelli belle facce e ca… Ah e che stevo dicenno. Con quelle belle facce sorridenti, ve li presentano comme una modernità, una conquista di tecnologia e di civiltà. Mo ‘nce faccno pure ‘e gite scolastiche. Comme si fossero ‘nu parco. ‘E portano a vedè addirittura ‘e creature pe’ l’accredità. Che schifo. Comme ‘e chiamano mo ? Ah, si … termovalorizzatori. Termovalorizzatori. Bella parola, non c’è che dire. Incoraggiante. Che da fiducia. Ma che serve sulo a ve fa fessi.

Però chi ‘o sa comme maje quanno dinto a chesti trasmissione qualche professore, senza giacca e cravatta, cerca ‘e piglià ‘a parola, cerca ‘e spiegà ‘e ccose veramente comme stanno, subbeto ‘o fanno sta zitto. ‘O stutano ‘o microfono. Se stanno buono accorto a nun ve fa sapè certe cose. De sorde ca girano attuorno, meliune, che ‘e politici ‘e banche e ‘a camorra se magnano ‘ncoppa ‘a pella vosta. E’ di chella brutta malatia che urdemamente sempe chiù spisso se sente ‘e parlà. Chella malatia che primma nun se teneva manco ‘o coraggio nummenà. Chella malatia che primma quanno qualcuno ‘nce moreva se diceva :”…e ‘a quanno tiempo steva malato ? “, “ha sofferto assaje ‘o puveriello”, “…ma è un fatto ereditario ?”,“e quant’anne tenevo ?”. E già, pecchè primma ‘o tumore era ‘na rarità. Pigliava sule ‘i viechie. Po’ zitta zitta, chianu chianu, ha cominciata a fa visita ‘e giuvane. E mo pure ‘e creature. Gli inceneritori so’ brutta gente.

Nuje no. Nuj cassunette simme brava gente, onesta e pulita. Cu’ nuje nun ponno magnà, tutto ca sta ‘o fattariello. E perciò stamme senza fatica e ‘nce murimme ‘e famme. Nuje nun facimme male a nisciuno. Nun simme tecnologiche comme loro. Nuje simmo ‘nu poco ‘e cartone appuntate cu’ quattro spille. Ma chesto ‘nce fa onore.

Io tutte ste ccose ’e saccio pecchè aggio studiato. Sapite quanno nun se fatica, tuo malgrado, ‘o tempo ‘e ‘na manera l’hai impegnà. (Crescendo) ‘A raccolta differenziata nun accide a nisciuno e risolve tutte ‘e problemi. Nun ce sta bisogno ne di inceneritori e ne ‘e discariche. Cu’ ‘a raccolta differenziata, chella fatta bona, tutto se po’ riutilizzà, nun se jetta niente. Pecché cu’ chello poco che rimane se fa ‘o concime. Quindi è ‘nu sparagno gruosso. Si po’ s’accuminciasse a fa ‘e cose penzanno che prima o doppo s’hanna jettà ‘e cose jesseno ancora meglio.

(Breve pausa) Scusatemi. Scusatemi se mi sono lasciato un poco trascinare. Ma io ho parlato a nome di tutti i cassonetti. Di tutti i cassonetti che si trovano nelle mie stesse Condizioni. Io, io ve l’aggia ditto comme stanne ‘e cose. Vuie esseri umani se volete cuminciatece a penzà. E si nun ‘o vulite fa pe vuje, facitelo almeno pe nuje, che ‘a vuluntà a tenimme e vulimme faticà.

FINE